پزیشکێکی جوانکاریی پێست: پیاوانیش پێویستیان بە ئەنجامدانی جوانکاری هەیە
- تەندروستی
- 26 تەممووز

د. ژووان ئەمجەد، پسپۆڕی جوانکاری و نەخۆشییەکانی پێست
ئاڤا نیوز
پزیشکێکی جوانکاری و نەخۆشییەکانی پێست پێیوایە ئەو پیاوانەی دەیانەوێت جوانکاری ئەنجام بدەن، پێویستە ڕیشیان لابدەن بۆ ئەوەی ڕووخساریان ڕوونتر دەربکەوێت و تێبینییەکیشی هەیە.
وێنە گەورەکە: لەنێو پیاوان و بەتایبەت ئافرەتان ئەنجامدانی جوانکاریی وەک فیلەر و بۆتۆکس لەم ساڵانەی دواییدا زۆر باوە، تاوەکو ئێستا نەتوانراوە میکانیزمێکی دیاریکراو بۆ ڕێکخستنی خولیای ئەنجامدانی ئەم جوانکارییانە دابنرێت.
لێدوانی تایبەت: د. ژووان ئەمجەد، پسپۆڕی جوانکاری و نەخۆشییەکانی پێست بە ئاڤای گوت: "کاتێک بمانەوێت فیلەر و بۆتۆکس بۆ چارەخوازێک ئەنجام بدەین، شێوەی ڕووخسارەکەی ڕەچاو دەکەین نەک تەمەنەکەی، چونکە ڕەنگە کەسێکی تەمەن 20 ساڵان پێویستی پێی هەبێت و یەکێکی تەمەن 30 ساڵان نا".
زانیاریی زیاتر: سەبارەت بە لێککەوتەی نەرێنیی ئەنجامدانی فیلەر و بۆتۆکس لەکاتی پیربوون، د. ژووان ئەمجەد ئاماژە بەمە دەدات: "هیچ لێککەوتێکی نەرێنی نابێت، هەروەها فیلەر و بۆتۆکس دەکرێت وەک چارەسەری چەند نەخۆشییەک بەکاربهێندرێت. لەوانە بۆتۆکس دەکرێت بۆ چارەسەری سەرئێشەی درێژخایەن، ئاقرەقکردنەوەی بەردەوامی نێو لەپی دەست، ژێرەوەی پێ، ژێرباڵ و جووڵەی زۆری پێڵووی چاو بەکاربهێندرێت".
گۆشەیەکی دیکە: "بەرلەوەی جوانکاریی بۆتۆکس و فیلەر بۆ ئافرەتان بکرێت، پێویستە مەیکئەپەکەیان لابدەن. پیاوانیش ئەگەر ڕیشیان هۆکار بێت بۆ ئەوەی نەتوانین ڕووخساریان بە دروستی ببینین، دەبێت لایبدەن". د. ژووان ئەمجەد وادەڵێت.
قووڵتر: ئەم خانمە پزیشکە سەبارەت بەوەی ئەو جوانکارییانەی بۆ چارەخوازانیان ئەنجامی دەدەن، بۆ خۆشیان ئەنجامی دەدەن؟. ڕوونی دەکاتەوە: "بەڵێ، ئەگەر پێویست بێت".
ىۆچوونێکی دیکە: د. ژووان ئەمجەد، سەبارەت بەوەی پزیشکانی ئافرەت بەسەلیقەترن بۆ ئەنجامدانی جوانکاریی ڕووخسار، ڕای وایە: "گرنگ نییە ئەو پزیشکەی جوانکاری بۆ چارەخواز ئەنجام دەدات، پیاو یا ئافرەت بێت. توانای زانستی و لێهاتوویی گرنگە".
خاڵی سەرنج: "تێبینیم لەسەر ئەوە هەیە هێشتا هەندێک کەس پێی وایە، کاری جوانکاری تەنها بۆ ئافرەتە و بۆ پیاو نییە". پزیشکەکە ئەمەش دەڵێت.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- کوردستان
- 1 کاتژمێر لەمەوپێش
سەرۆك بارزانی سوپاسی هەڵوێستی سەركردایەتیی ئیمارات دەكات
هەڵبژاردەکان بۆ تۆ
ئێران بۆ یەکەمجار مووشەکێکی نوێ و نهێنیی دژی ئیسرائیل بەکاردەهێنێت
5 کاتژمێر لەمەوپێش
مۆدێلی بەیرووت؛ ستراتیژییەتێکی نوێی سەربازیی ئیسرائیل بەرامبەر ئێران
21 کاتژمێر لەمەوپێش
فۆردۆ؛ ئەو شوێنەی ئێران مووشەکی ئیسرائیل ناتوانێت زیانی پێبگەیێنێت
22 کاتژمێر لەمەوپێش
نەتانیاهۆ ئاشکرای دەکات: مووشەکی ئێران بەر ژووری نووستنەکەم کەوتووە
23 کاتژمێر لەمەوپێش
سەعات حەوت زیاتر لە یەک ملیۆن بینەر
16 حوزەیران