119 گۆڕی بەکۆمەڵی کوردانی ئێزدی دەدۆزرێتەوە

ئاڤا نیوز

 

لە سنووری شنگال و دەشتی نەینەوا 119 گۆڕی بەکۆمەڵی نوێی قوربانییانی کوردانی ئێزدی دۆزراوه‌ته‌وه‌, نیوه‌ی زیاتری ئەو گۆڕانە تائێستا هەڵنەدراونەتەوە.

 

وێنە گەورەکە: لەدوای هێرشی داعش بۆسەر پارێزگای نەینەوا و کۆنترۆڵکردنەوەی شارەکە، تائێستا چەندین گۆڕی بەکۆمەڵ دۆزراونەتەوە، زۆرینەی قوربانییەکانیش کوردانی ئێزدی نیشتەجێی ناوچەکەن.

 

لێدوانی فه‌رمی: نێچیرڤان سلێمان، بەڕێوەبەری کارگێڕی دەستەی لێکۆڵینەوە و کۆکردنەوەی بەڵگەکانی کۆمەڵکوژیی شنگال ڕایگه‌یاند: تائێستا 119 گۆڕی بەکۆمەڵ و تاكه‌كه‌سی لە شنگال و ده‌شتی نه‌ینه‌وا دەستنیشانکراون، سەرجەم رووفاته‌كانیش کوردانی ئێزدیین.

 

زانیاریی زیاتر: بەر لە دوو مانگ، ڕووفاتی زیاتر لە 130 قوربانی دەستی داعش لە گۆڕە بەکۆمەڵەکانی قەزای تەلەعفەر دەرهێنراون، کە زۆربەی قوربانییەکانی کوردانی ئێزدین .