وەزارەتی كاروباری شەهیدان لە ساڵیادی جینۆسایدی بارزانییەكان ڕاگەیێنراوێكی بڵاوكردەوە

ئاڤا نیوز

 

41 ساڵ بەسەر جینۆسایدی بارزانییەكان لەسەر دەستی ڕژێمی بەعس تێدەپەڕێت و وەزارەتی كاروباری شەهیدان و ئەنفالكراوانیش ڕاگەیێنراوێكی لەمبارەیەوە بڵاوكردەوە.

 

وێنە گەورەكە: ڕۆژی 31-7-1983، ڕژێمی بەعس، بە پیلانێكی بەرنامە بۆداڕێژراو شاڵاوی ڕەشبگیریی بەرفراوانی بارزانییەكانی دەستپێكرد و زیاتر لە هەشت هەزار كوڕ و پیاوی بارزانی لە گۆڕی بەکۆمەڵدا زیندەبەچاڵ كردن.

 

ڕاگەیێنراوی فەرمی: لە ڕاگەیێنراوێكی وەزارەتی كاروباری شەهیداندا هاتووە، " دوای ئەو هەموو ساڵە، هێشتا دەوڵەتی عێراق بەرپرسیارییەتی یاسایی هەڵنەگرتووە و داوای لێبووردنی نەكردووە، هەروەها قەرەبووی کەسوکاری قوربانیانی ئەنفال و بارزانییەکانی نەکردووەتەوە.

 

زانیاریی زیاتر: هەوڵەكان بۆ قەرەبووکردنەوەی کەسوکاری قوربانیان و گەڕان و هەڵدانەوەی گۆڕە بەكۆمەڵەكان و گەڕاندنەوە ڕووفاتەكان بەردەوامە.