یەکەمین تووشبووی ئاوڵەی مەیمون لە فیلیپین تۆمار کرا

ئاڤا نیوز

وەزارەتی تەندروستیی فلیپین تۆمارکردنی یەکەمین تووشبووی بە نەخۆشیی ئاوڵەی مەیموون ڕاگەیاند. 

وێنە گەورەکە: ناوەڕاستی ئەم مانگە ڕێکخراوی تەندروستیی جیهانی بەهۆی ئاوڵەی مەیموون باری لەناکاوی ڕاگەیاند، ئەمەش مەترسیدارترین ئاگادارکردنەوەیە دوای ڤایرۆسی کۆرۆنا، چونکە ئاوڵەی مەیموونیش بەئاسانی بڵاودەبێتەوە.

ڕاگەیێنراوی فەرمی: وەزارەتی تەندروستی فلیپین ڕایگەیاند، تووشبووەکە هیچ گەشتێکی بۆ دەرەوەی فلیپین نەبووە.

ئەوەی پێویستە بیزانیت: تا ئێستا نزیکەی 20 هەزار تووشبووی ئاوڵەی مەیموون لە وڵاتانی ئەفریقا تۆمارکراون. لەم ژمارەیە زیاتر لە 500 تووشبوو گیانیان لەدەست داوە. ئەو کەسانەی سیستمی بەرگریی لەشیان لاوازە مەترسی تووشبوونیان زیاترە، وەک ژنانی دووگیان و منداڵان.