ژمارەیەک ئاوارە لە کەمپەکانی هەولێرەوە گەڕانەوە بۆ ناوچەکانیان

ئاڤا نیوز  
وەزارەتی کۆچ و کۆچبەرانی عێراق، گەڕانەوەی زیاتر لە 800 ئاوارەی نیشتەجێی کەمپەکانی سنووری پارێزگای هەولێر، بۆ ناوچە ڕەسەنەکانیان لە پارێزگای نەینەوا ڕاگەیاند.

وێنە گەورەکە:دوابەدوای فەرمانی سەرۆکوەزیران بارزانی، پرۆسەی گەڕانەوەی ئاوارەکان لە کەمپەکانی حەسەن شام، خازر و هەرشەم بەردەوامە، تاوەکو ئێستاش چەندین خێزان گەڕانەوتەوە بۆ ناوچە ڕەسەنەکانیان.

لێدوانی فەرمی: ئیڤان فایەق جابرۆ، وەزیری کۆچ و کۆچبەران ڕایگەیاند: بە هاوکاری لەگەڵ حکومەتی هەرێمی کوردستان و لایەنە پاڵپشتیکارەکانی وەزارەت، ئەمڕۆ 803 ئاوارەی نیشتەجێی کەمپی هەرشەم و بەحرکە لە پارێزگای هەولێر گەڕانەوە ناوچە ڕەسەنەکانیان لە قەزاو ناحیەکانی پارێزگای نەینەوا.

زانیاریی زیاتر: وەزیری کۆچ  و کۆچبەران، ڕێنمایی کارمەندانی وەزارەتەکەی کرد "بەردەوام بن لە کارکردن بۆ تۆمارکردنی ئەو خێزانە ئاوارانەی کە ئارەزووی گەڕانەوەیان هەیە".