بەرەی تورکمانی بۆ پارێزگاری کەرکووک: بەشداری حکومەتی خۆجێی ناكەین

ئاڤا نیوز

 

بەرەی تورکمانی لە کەرکووک ئاشكرای كردووە، بەشداری لە کۆبوونەوەی داهاتووی حکومەتی خۆجێی و ئەنجوومەنی پارێزگای کەرکووک ناکات و ڕایدەگەیێنێت، هێشتا هیچ داوایەكی فەرمیمان پێنەگەیشتووە.

 

وێنە گەورەکە: ڕێبوار تەها، پارێزگاری کەرکووک لە کۆنگرەیەکی ڕۆژنامەوانیدا داوای لە پارتی و بەرەی تورکمانی و بەشێک لە عەرەبەکان کرد، کۆتایی بە بایکۆتی دانیشتنەکانی ئەنجوومەنی پارێزگا بهێنن و بەشداری لە حکومەتی خۆجێی بكەن.

 

لێدوانی فەرمی: قەحتان وەنداوی، بەرپرسی بەرەی تورکمانی لقی کەرکووک ڕایگەیاند: حیزبەكەی بەشداری هیچ کۆبوونەوە و گفتوگۆیەک لەگەڵ ئیدارەی ئەنجوومەنی پارێزگای کەرکووک ناکات، چونکە بە نایاسایی و بە پەراوێزخستنی پێکهاتەی تورکمان پێکهێنراوە.

 

زانیاریی زیاتر: وەنداوی ئاماژەی بەوەش كردووە، تاوەکو ئێستا بە فەرمی هیچ بانگهێشتنامەیەكیان لە پارێزگا و ئەنجوومەنی پارێزگاوە بۆ كۆبوونەوە و گفتوگۆ پێنەگەیشتووە.