هەولێر گەشتی ئاسمانیی ڕاستەوخۆی لەگەڵ 37 شاری جیهاندا هەیە

ئاڤا نیوز

 

بەڕێوەبەری فڕۆكەخانەی نێودەوڵەتیی هەولێر، چەند داتایەکی نوێ سەبارەت بە گەشتە ڕاستەوخۆکانی فڕۆكەخانەکە ئاشكرا دەكات.

 

لێدوانی فەرمی: ئەحمەد هۆشیار، بەڕێوەبەری فڕۆكەخانەی نێودەوڵەتیی هەولێر بە ئاڤا نیوزی ڕاگەیاند، لە ماوەی حەوت مانگی ئەمساڵدا، ملیۆنێک و 250 هەزار گەشتیار لە ڕێگەی فڕۆكەخانەکەوە گەشتیان كردووە.

 

باکگراوند: ساڵی ڕابردوو دوو ملیۆن و 68 هەزار گەشتیار لە ڕێگەی فڕۆکەخانەی نێودەوڵەتیی هەولێر گەشتیان کردبوو، لەگەڵ 83 هەزار گەشتیاری تەمەن خوار 18 ساڵ.

 

زانیاریی زیاتر: ئێستا لە هەولێرەوە گەشتی ڕاستەوخۆ بۆ 17 وڵاتی جیهان هەیە، كۆی گشتیی ئەو شارانەی كە گەشتی ڕاستەوخۆیان هەیە لەگەڵ هەولێر 37 شارە.

 

ئەمەش بزانە: فڕۆکەخانەی نێودەوڵەتیی هەولێر لە ساڵی 2005 ەوە کراوەتەوە، فڕگەی فڕۆکەخانەی هەولێر بە چوار هەزار و 800 مەتر، ڕیزبەندی هەشتەمین دریژترین فڕگەی لە جیهان گرتووە.