پەرلەمانی عێراق خوێندنەوە بۆ پڕۆژەیاسایەک لەبارەی ئازادیی هاتووچۆ دەکات

ئاڤا نیوز

 

پەرلەمانی عێراق خوێندنەوەی یەکەمی بۆ هەڵوەشاندنەوەی یاسای ڕێککەوتنی یەکێتیی ئابووری نێوان وڵاتانی كۆمكاری عەرەبی كرد .

 

وێنە گەورەکە: بەئامادەبونی 170 ئەندام، کاتژمێر 01:00 دوانیوەڕۆی ئەمڕۆ 01-09-2024 پەرلەمانی عێراق دانیشتنی ژمارە نۆی وەرزی دووەمی یاسادانان ئەنجامدا .

 

ڕاگەیێنراوی فەرمی: نووسینگەی پەرلەمانی عێراق بڵاوی كردەوە: ئەمڕۆ دانیشتنی پەرلەمانی عێراق پێنج تەوەری لەخۆ گرتبوو گرنگترینیان: خوێندنەوەی یەكەم بۆ ڕەشنووسی یاسای هەڵوەشاندنەوەی ڕێککەوتنی یەکێتیی ئابووریی نێوان وڵاتانی كۆمكاری عەرەبی ژمارە 169 ـی ساڵی 1963 بوو.

 

زانیاری زیاتر: بە گوێرەی ڕەشنووسی پرۆژە یاساكە كە خوێندنەوەی یەكەمی بۆ کراوە،  ڕێککەوتنی یەکێتیی ئابووریی نێوان وڵاتانی كۆمكاری عەرەبی هیچ سوودێکی بۆ عێراق نییە، باشترین بژاردەش هەڵوەشاندنەوەی پەسەندکردنی یاساكەیە.

 

ئەمەش بزانە: ڕێککەوتنی یەکگرتوویی ئابووری لە نێوان وڵاتانی کۆمکاری عەرەبی لە ساڵی 1957 واژۆ کرا، لە سێی نیسانی 1964 کەوتە بواری جێبەجێکردنەوە، ڕێككەوتنەكە ڕێگە بە ئازادیی هاتووچۆی خەڵک و سەرمایە و ئاڵوگۆڕی کەلوپەل و شوێنی نیشتەجێبوون و کارکردن لەنێوان ئەو وڵاتانەدا دەدات.