دەست بە دابەشکردنی نەوتی سپی دەکرێت

ئاڤا نیوز

 

لەسەر فەرمانى سەرۆكوەزیران بارزانى، وەزارەتی سامانە سروشتییەکان لە ناوچە شاخاوییەکان دەست بە دابەشکردنی نەوتی سپی دەکات.

 

وێنە گەورەکە: بۆ دووەم ساڵ لەسەریەک، حکومەتی هەرێمی کوردستان بەر لە هاتنی وەزری سەرما  دەست بە دابەشکردنی نەوتی سپی بە نرخی پاڵپشتکراو دەکات، سبەی پێنجشەممە، 12-09-2024 لە ناوچە شاخاوییەکانی ئیدارەی سەربەخۆی سۆران دەست بەدابەشکردنی دەکرێت."

 

ڕاگەیێنراوی فەرمی: وەزارەتی سامانە سروشتییەکانی حکومەتی هەرێمی کوردستان لە ڕاگەیێنراوێکدا ئاماژە بەوەدەدات، پاراستنی کوالێتی نەوتەکە بە هەماهەنگی لەگەڵ لیژنەی چاودێریی کوالێتی دەبێت،  بۆ هەر خێزانێک 200 لیتر نەوت وەردەگرێت.

 

ئەوەش بزانە: بەگوێرەی ڕاگەیێنراوی وەزارەتی سامانە سرووشتییەکان، لەبەرامبەر پێدانی 200 لیتر نەوت 100 هەزار دینار وەردەگیرێت، چوار هەزاریش بۆ کرێی گواستنەوە دەبێت، واتا کۆی گشتیی 104 هەزار وەردەگیرێت.

 

بۆچی گرنگە؟ دابەشکردنی نەوتیی پاڵپشتیکراو لەلایەن حکومەتی هەرێمی کوردستان ڕێگری لە بەرزبوونەوەی نەوت دەکات.