پارتی: بۆ مانەوەی کوردستان لە دەستێکی ئەمیندا دەنگ بدەن

ئاڤا نیوز 

 

 لیژنەی باڵای هەڵبژاردنی پارتی داوا لە هاووڵاتییانی هەرێمی کوردستان دەکات بەشداریی لە هەڵبژاردن دا بکەن.

وێنە گەورەکە: ئەمڕۆ شەممە 19-10-2024، لیژنەی باڵای هەڵبژاردنەکانی پارتی پەیامێکی لەبارەی دەنگدانی تایبەت بڵاوکردەوە،  ئاماژە بەو سەرکەوتنە گەورەیەدا کە لە دەنگدانی تایبەتە بە پشتیووانی پێشمەرگە قارەمانەکان و هێزە ئەمنییەکان بەدەستیهێنا. 

ڕاگەیێنراوی فەرمی: لیژنەی باڵای هەڵبژاردنەکانی پارتی ڕایدەگەیێنێت: " چۆن لە داستانە گەورەكاندا، پێشمەرگە بە خوێنیان بەرگرییان لە كوردستان دەكرد، بەم دەنگدانە فراوان و زۆرەیان بۆ لیستی 190ـی پارتیمان، جارێكی دیكە سەنگەری بەرگریی لە ئارامی كوردستان بەهێزتر کرد و مژدەی سەرکەوتنی گەورەیان بە دەنگەکانیان ڕاگەیاند".

لەلایەکی دیکەوە: پارتی داوا لە دەنگدەرانی كوردستان دەكات بە فراوانی بەشداریی لە هەڵبژاردنی سبەی 20ـی ئۆكتۆبەر بكەن تا كوردستان لە دەستی ئەمیندا بمێنێتەوە.

ژمارەکان وادەڵێن: لە کۆی دەنگدەرانی تایبەتدا، 203 هەزار 773 پیاو و چوار هەزار و 748 ئافرەت بوون، هاوکات 2901 حاڵەتی وەرنەگرتنی پەنجەمۆر هەبوون.