بۆ یەکلاییکردنەوەی 71 سکاڵا کۆمیسیۆن سێ لیژنە پێکدەهێنێت

ئاڤا نیوز

کۆمیسیۆنی باڵای هەڵبژاردنەکانی عێراق سێ لیژنەی پێکهێنا، بۆ یەکلایکردنەوەی ئەو سکاڵایەنەی لەلایەن قەوارە سیاسییەکانی هەرێمی کوردستانەوە پێشکەشی کراون.

 

وێنە گەورەکە: ڕۆژی یەکشەممەی ڕابردوو پرۆسەی دەنگدانی گشتی لە هەرێمی کوردستان بەڕێوەچوو بۆ هەڵبژاردنی 100 کاندید لە چوار بازنەی هەرێمی کوردستان.

 

لێدوانی فه‌رمی: جومانە غەلای، گوتەبێژی کۆمیسیۆنی هەڵبژاردنەکان بە ئاڤا نیوز ڕاگەیاند: کۆمیسیۆن چەند لیژنەیەکی بەسەرپەرشتی ئەندامانی دەستەی کۆمیسیاران پێکهێناوە بۆ یەکلاییکردنەوەی نزیکەی 71 سکاڵا کە تائێستا پێشکەش بەکۆمیسیۆن کراوە و بەسەر ڕەنگی زەرد، سەوز و سوور، پۆلێنکراون.

 

زانیاریی زیاتر: بەفەرمانی سەرۆکی کۆمیسیۆنی باڵای سەربەخۆی هەڵبژاردنەکانی عێراق لیژنەیەک بۆ یەکلاییکردنەوەی سکاڵاکانی پارێزگای هەولێر، لیژنەیەکی دیکە بۆ دهۆک و لیژنەیەکیش بۆ سلێمانی و هەڵەبجە پێکهێنراوە.