کۆمیسیۆن بە سێ شێواز ئەنجامی فەرمی هەڵبژاردن ڕادەگەیێنێت

ئاڤا نیوز

کۆمیسیۆنی هەڵبژاردنەکانی عێراق ئەمڕۆ ئەنجامی فەرمی هەڵبژاردنی خولی شەشەمی پەرلەمانی کوردستان ڕادەگەیێنێت، ئاڤا زانیویەتی گۆڕانکارییەکی ئەوتۆ بەسەر ئەنجامەکاندا نایەت.

 

زانیاریی تایبەت: سەرچاوەیەک لە کۆمیسیۆن بە ئاڤا نیوزی گوت: "بە دوو شێواز ئەنجامەکان ڕادەگەیێنین، ئەنجامی دەنگ و کورسی لایەنەکان بە جیا و دواتر لیستی کاندیدە دەرچووەکان لە سەرجەم بازنەکان بە جیا، بەڵام بەراورد بە ئەنجامە بەراییەکان گۆڕانکارییەکی ئەوتۆ نابێت."

باکگراوند: ڕۆژی 20-10-2024 هەڵبژاردنی خولی شەشەمی پەرلەمانی هەرێمی کوردستان بەڕێوەچوو، دوای 24 کاتژمێر ئەنجامی 99.63%ـی دەنگە جیاكراوەكان وەک ئەنجامی بەرایی ڕاگەیێنرا.

ئەمەش بزانە: ماوەی سێ ڕۆژ لەبەردەم لایەنەکانە بۆ ئەوەی تانە لە ئەنجامەکان بدەن و دواتر دەبێت دەستەی دادوەری لە 10 ڕۆژدا تانەکان یەکلایی بکاتەوە.