پارێزگای هەولێر لەبارەی لافاو داوایەک ئاراستەی خەڵک دەکات

ئاڤا نیوز

 

کۆبوونەوەی تایبەت بە لافاو لە پارێزگای هەولێر دەکرێت و داوا لە خەڵک دەکات زبڵ و خاشاک لەبەردەم ماڵەکانیان فڕێ نەدەن و سەری مەنهۆڵەکان پاك ڕابگرن، بۆ ئەوەی لەکاتی بارانبارین ئاو کۆنەبێتەوە.

 

وێنە گەورەکە: لەگەڵ نزیکبوونەوەی وەرزی بارانبارین ئامادەکاری بۆ ڕووبەڕووبوونەوەی لافاو و کارەساتی سروشتی دەکرێت، بۆ ئەم مەبەستەش لە پارێزگای هەولێر کۆبوونەوەی تایبەت لەگەڵ لایەنە پەیوەندیدارەکان کراوە.

 

لێدوانی فەرمی: مەسعود کاڕەش، جێگری پارێزگاری هەولێر بە ئاڤا  نیوزی ڕاگەیاند: بەڕێوەبەرایەتیی ئاو و ئاوەڕۆی هەولێر بە خاوێنکردنەوەی ئاوەڕۆکان هەستاون، قایمقام و بەڕێوەبەری ناحییەکان بۆ دروستکردنی تیمی تایبەت ڕاسپێردران، تاوەکو ئامادەکاری تەواو بۆ ڕووبەڕووبوونەوەی لافاو و کارەساتی سروشتی بکەن.

 

مەسعود کاڕەش داوا لە دانیشتووانی هەولێر دەکات زبڵ و خاشاک لەبەر دەرگاکانیان فڕێ نەدەن و سەری مەنهۆڵەکانیان پاک ڕابگرن، بۆ ئەوەی مەنهۆڵەکان لەکاتی بارانبارین نەگیرێن و ببێتە هۆی کۆبوونەوەی ئاو.