پارێزگاری هەولێر: هەموو ئامادەکارییەک بۆ سەرژمێری تەواو کراوە

ئاڤا نیوز

 

ئامادەکارییەکان بۆ بەڕێوەچوونی سەرژمێری گشتیی بەردەوامی هەیە، پارێزگاری هەولێر لەوبارەیەوە دەڵێت "لیژنەیەکی تایبەتمەند بۆ سەرپەرەشتیکردنی پرۆسەکە لە هەولێر دروستکراوە".

 

وێنە گەورەکە: بڕیارە ڕۆژی 20-11-2024، پرۆسەی سەرژمێری گشتیی لە سەرتاسەری عێراق بە هەرێمی کوردستانیشەوە بەڕێوەبچێت.

 

لێدوانی فەرمی: ئومێد خۆشناو، پارێزگاری هەولێر، بە ئاڤا نیوزی ڕاگەیاند: لیژنەیەکی باڵامان دروستکردووە، بۆ سەرپەرشتیکردنی پرۆسەی سەرژمێری، ئامادەکارییەکانمان لە ڕووی ئەمنی، تەندروستی و ڕێکخستن و هەڵسەنگاندنی شوێنەکان و گەڕانەکان تەواو کراوە.

 

پارێزگاری هەولێر دەلێت: ڕۆژانی 20 و 21ی ئەم مانگە بۆ سەرژمێری لە عێراق یەکلایی کراوەتەوە، هەر کاتێک لە عێراق بڕیاری قەدەغە دەستی پێکرد، ئێمەش بەو بڕیارە پابەند دەبین. 

 

زانیاریی زیاتر: سێ لیژنەی باڵا لەسەر ئاستی عێراق و هەرێمی کوردستان و پارێزگاکان دروستکراوە، کاری ئەم لیژنانە سەرپەرشتیکردنی پرۆسەی سەرژمێریی دەبێت.