سەرەڕای قەدەغەکردنی لە ئێران؛ بە بەهای ملیارێک دۆلار ئایفۆن هاوردەی وڵاتەكە كراوە

ئاڤا نیوز

 

سەرەڕای ئەوەی ئێران بەفەرمی هاوردەكردنی بەرهەمی ئەپڵ بۆ وڵاتەکەی قەدەغە دەكات، بەڵام تەنیا لە ماوەی 10 مانگی ڕابردوودا بەبەهای ملیارێک دۆلار ئایفۆن هاوردەی ئێران كراوە. 

 

ئەوەی پێویستە بیزانیت: کۆمپانیای ئەپڵ هیچ بریکارێکی فەرمی لە ئێران نییە و نەبووە، بەڵام ڕۆژانە سەدان ئایفۆن هاوردەی ئێران دەکرێت، بەگشتی ئەو ئامێرانەی ئەپڵ کە دەگەنە ئێران زۆرجار لە وڵاتانی دیکەی وەک ئیمارات و وڵاتانی دیکەی دراوسێ هاوردە دەکرێن.

 

زانیاریی زیاتر: نرخی مۆبایلێکی وەک ئایفۆن 13 پرۆماکس کە لە سەرانسەری جیهاندا بەرهەمهێنانی ڕاگیراوە، لە بازاڕەکانی ئێراندا بە نرخی زیاتر لە 100 ملیۆن تمەن کە نزیکەی دوو هەزار دۆلار دەفرۆشرێت.