پارێزگاری کەرکووک لەبارەی سەرژمێیرییەوە داوایەک لە هاونیشتیمانیان دەکات

ئاڤا نیوز

 

پارێزگاری کەرکووک داوا لە هاووڵاتیان دەکات لە ڕۆژانی سەرژمێری لە ماڵەوە بن و ئەوەشی تاوەکو ئێستا نەگەڕاوەتەوە، پێویستە بگەڕێتەوە شارەکە و پابەندی ڕێنماییەکان بن.

 

وێنە گەورەکە: لە ڕۆژانی 20 و 21ی ئەم مانگە پرۆسەی سەرژمێریی گشتیی دانیشتوان لە عێراق و هەرێـمی کوردستان بەڕێوەدەچێت و لە سەرتاسەری شارەکان قەدەغەی هاتووچۆ دەبێت. 

 

ڕاگەیێنراوی فەرمی: ڕێبوار تەها، پارێزگاری کەرکووک لە کۆنگرەیەکی ڕۆژنامەوانیدا ڕایگەیاند: داوا لە هەموو هاووڵاتیان دەکەین لەو دوو ڕۆژەدا لە ماڵەوە بمێنن و ئەوانەی لە دەرەوەی شارن بگەڕێنەوە.

 

گوتیشی: لەپێناو سەرکەوتن و تەواوبوونی پرۆسەکە بەبێ گرفت داوا لە هاووڵاتیان دەکەین پابەند بن بە ڕێنماییەکان، ئێمەش چاودێری پرۆسەکە دەکەین و پشتیوان بە خوا هیچ کێشەیەک دروست نابێت.