ڕاوێژکاری ترەمپ: ترەمپ دەیەوێت بەرەی مقاوەمە لە عێراق لەناوببات

ئاڤا نیوز

ڕاوێژکارێکی ترەمپ، سەرۆکی هەڵبژێردراوی ئەمەریکا ئاشکرایکرد، کاریگەری ئێران لە ڕۆژهەڵاتی ناوەڕاست بەشێوەیەکی بەرچاو کەمبووتەوە، ترەمپ دەیەوێت بەرەی مقاوەمە لە عێراق لەناوببات، وەک ئەوەی لە لوبنان و فەلەستین ڕوودەدات.

لێدوانی فەرمی: گابرێل سۆما، ڕاوێژکاری سەرۆکی هەڵبژێردراوی ئەمەریکا ڕایگەیاند: “ترەمپ بڕیاریداوە چالاکییەکانی ئێران لەناوچەکە ڕابگرێت و کۆتایی بەدۆسیەی ئەتۆمی تاران بهێنێت و کاریگەرییەکانی لە ڕۆژهەڵاتی ناوەڕاست کەمبکاتەوە و دەڵێت، “ئێران سەرپرشتی لە چالاکییەکانی بەرەی مقاوەمە دەکات و لەلایەن عێراق، سوریا، یەمەن و لوبنانەوە هاوکاری دەکرێت”.

زانیاریی زیاتر: سۆما، ئاماژەی بەوەش کرد، تەنیا چوار وڵات بەفشاری ئێران دژی ئاساییکردنەوەن پەیوەندییەکانیان لەگەڵ ئیسرائیل ئەوانیش عێراق، سوریا، لوبنان و یەمەنن، وتیشی ، " ترامپ دەیەوێت بەرەی مقاوەمە لە عێراق لەناوببات، هەروەک ئەوەی ئێستا لە لوبنان و فەلەستین ڕوودەدات.