ماکرۆن پشتگیری لە  بڕیارێکی واشنتن دەکات

ئاڤا نیوز

 

ئیمانوێل ماکرۆن، سەرۆکی فەڕەنسا پێشوازی لە بڕیارەکەی واشنتن دەکات کە ڕێگە بە کێیڤ بدات مووشەکی دوور مەودا دژی ڕووسیا بەکاربهێنێت.

وێنەگەورەکە: ڕۆژی 18-11-2024، لە پەراوێزی لوتکەی G20 لە شاری ریۆ دی جانیرۆی بەڕازیل، ئیمانوێل ماکرۆن سەرۆکی فەڕەنسا، پێشوازی لە بڕیارەکەی ئەمریکا کرد کە ڕێگە بە ئۆکرانیا دەدات مووشەکی ئەمریکی دوور مەودا بۆ هێرشی سنووردار بەکاربهێنێت بۆ ئامانجەکانی لە قوڵایی خاکی ڕووسیا.

 

لێدوانی فەرمی: ئیمانوێل ماکرۆن، سەرۆکی فەڕەنسا ڕایگەیاند: ''ئەم گۆڕانکارییە لە هەڵوێستی واشنتن بەرامبەر ئۆکراینا گونجاوە و ئەم گۆڕانکارییە لە ئەنجامی پەرەسەندنی بەرچاو بووە لەم ململانێیە بەهۆی هێنانی هێزەکانی کۆریای باکوورە بۆ ڕووسیا بۆ بەرەکانی جەنگ''.

لەلایەکی دیکەوە: ڕووسیا هۆشداری داوە لەوەی ئەم بڕیارە، دەبێتە هۆی هەڵگیرسانی جەنگی جیهانی سێیەم.

ئەوەی پێویستە بیزانیت: بەگوێرەی دوو بەرپرسی باڵای ئەمەریکا، جۆ بایدن دەسەڵاتی بە ئۆکرانیا داوە مووشەکی دوورمەودا بۆ هێرشی سنووردار لەناو رووسیا بەکار بهێنێت.