هەر کەسێک پابەندی قەدەغەی هاتووچۆ نەبێت دەدرێتە دادگە

ئاڤا نیوز

 

پرۆسەی سەرژمێری گشتیی دانیشتووان لە عێراق و هەرێمی کوردستان دەستیپێکردووە، ماوەی دوو ڕۆژ دیاریکراوە کە قەدەغەی هاتووچۆی تێدا ڕادەگەیەنرێت، هەر کەسێک پابەندی قەدەغەی هاتووچۆ نەبێت، سزا دەدرێت.

 

وێنە گەورەکە: سبەی چوارشەممە 20-11-2024، قۆناغی سێیەمی سەرژمێری گشتی لە عێڕاق و هەرێمی کوردستان بەڕێوە دەچێت، لە دهۆک هەر کەسێک پابەندی ڕێکارەکان نەبێت، دەدرێتە دادگە.

 

لێدوانی فەرمی: ماجد سەیدساڵح، جێگری پارێزگاری دهۆک بە ئاڤا نیوزی ڕاگەیاند: 48 کاتژمێر قەدەغەی هاتوچۆ دەبێت، هاوکات لەو دوو ڕۆژە 22 خاڵی پشکنین لە دهۆک دادەنرێن، هەر کەسێک سەرپێچی بکات و پابەندی ڕیککارەکان نەبێت، بەپێی یاسا دەدرێتە دادگە.

 

ئەمەش بزانە: جێگری پارێزگاری دهۆک دەشڵێت: تەنیا لەکاتی پێوێست و گەیاندنی نەخۆش بە نەخۆشخانەکان هاتووچۆ ڕێگەپێدراوە، هاوکات قەدەغەی هاتوچۆ لە سەنتەری دهۆک و ڕێگەکانی دەرەوەی شاریش دەچێتە بواری جێبەجێکردنەوە.