وەزارەتی پلاندانان ڕوونکردنەوە لەسەر نووسراوێکی وەزارەتی پلاندانانی عێراق دەدات

ئاڤا نیوز

 

وەزیری پلاندانان ڕوونکردنەوە لەسەر نووسراوێکی ژووری ئۆپەراسیۆنی سەرژمێری لە وەزارەتی پلاندانانی عێراق دەدات و دەڵێت، بەگوێرەی یاسای سەرژمێری ئەوەی ئەمڕۆ لە کەرکووک و ناوچەکانی دیکە بن لەو شوێنە تۆمار دەکرێت.

 

وێنە گەورەکە: بەگوێرەی نووسراوەکە بژمێرەکان ئاگادارکراونەتەوە ئەو کەسانەی تۆمار دەکرێن پێویستە شەش مانگ پێشووتر لەو شوێنە نیشتەجێ بن، ئەمەش دڵەڕاوکێی بۆ ئەو هاونیشتمانیانە دروستکردووە کە لەماوەی ڕۆژانی ڕابردوو گەڕاونەتەوە ناوچەکانیان بۆ ئەوەی لە شوێنی ڕەسەنی خۆیان تۆمار بکرێن.

 

لێدوانی فەرمی: د. دارا ڕەشید، وەزیری پلاندانانی هەرێمی کوردستان لە وەڵامی شەوکەت قادر، پەیامنێری ئاڤا لە هەولێر گوتی، نووسراوەکە بەفەرمی بۆ ئێمە نەهاتووە، بەڵام لە کۆبوونەوەکانمان لەگەڵ سەرۆکوەزیرانی عێراق و وەزیرانی دیکە، لە ماوەی ڕۆژانی 20 و 21 هاووڵاتیان لە کوێ بن لەو شوێنە تۆمار دەکرین، گرنگ نییە ڕۆژێک پێشتر لەوێ بوون یاخود نا.

 

ئەوەی پێویستە بیزانیت: له‌ ڕۆژانی 20 و 2024/11/21 قه‌ده‌غه‌ى هاتووچۆ دەبێت و  پێويسته‌ هه‌موو كه‌سێک له‌ ماڵه‌وه‌ ‌بێت، چونکە بژمێرەکان سەردانی ماڵەکان دەکەن و دڵنياده‌بنه‌وه‌ له‌وه‌ى هيچ خێزانێک له‌بير نه‌كرابێت، هەر خێزانێک لە ماوەی ئەم دوو ڕۆژە تۆمار نەکرێت بێبەش دەبێت.