سەرۆككۆماری عێراق نامەی دەستبەكاربوون بە باڵیۆزە كوردەكە دەسپێرێت

ئاڤا نیوز 

 

شێخ عومەر بەرزنجی، نامەی دەستبەكاربوونی وەك باڵیۆزی نوێی عێراق لە ئوردن لە سەرۆككۆمار وەرگرت.

 

وێنە گەورەكە: دوای بەخشینی "حەيدەر ئەلعیزاری" لە ئەركی باڵیۆزی عێراق لە ئوردن و دانانی كوردێك لە شوێنەكەی، ئەمڕۆ چوارشەممە 27/ 11/ 2024، شێخ عومەر بەرزنجی بریكاری پێشووی وەزارەتی دەرەوەی عێراق بۆ كاروباری یاسایی و هەمەلایەن، وەك باڵیۆزی نوێی عێراق لە شانشینی ئوردن، نامەی دەستبەكاربوونی لەلایەن دكتۆر لەتیف ڕەشید، سەرۆككۆماری عێراق پێ سپێردرا.

 

ڕاگەیێنراوی فەرمی: بەگوێرەی بەیاننامەی فەرمی وەزارەتی دەرەوەی عێراق، شێخ عومەر بەرزنجی، دوای وەرگرتنی نامەی دەستبەكاربوون لە سەرۆككۆماری عێراق، بڕیارە سبەی پێنجشەممە ڕێككەوتی 2024/11/28، لە عەممانی پایتەختی ئوردن دەست بەكاربێت، دوای ئەوەی لەچوارچێوەی پرۆتۆكۆڵی دیپلۆماتكاری نێوان وڵاتان، نامەی دەستبەكاربوون ڕادەستی وەزارەتی دەرەوەی ئوردن دەكات.  

 

ئەوەی پێویستە بیزانیت: باڵیۆزە كوردەكە لە بواری دیپلۆماتكاریدا ئەزموونێكی سەركەوتووی هەیە و زیاتر لە دوو ساڵیش، وەک بریکاری وەزیری دەرەوەی عێراق بۆ کاروباری یاسایی و هەمەلایەنە كاریكردووە و ئەركەكانی بەسەركەوتوویی ڕاپەڕاندووە.

 

ئەمەش بزانە: باڵیۆزە کوردەکە پێشتر لە هەریەکە لە وڵاتانی "ڕۆمانیا، ڤاتیکان، قەتەر" و چەند وڵاتێکی دیكە باڵیۆزی عێراق بووە.