سەرۆکوەزیران بارزانی و باڵیۆزی ئیتاڵیا جەخت لە پێکهێنانی حکومەتێکی بەهێز دەکەنەوە

ئاڤا نیوز

 

سەرۆکوەزیران مەسرور بارزانی و باڵیۆزی نوێی ئیتاڵیا لە عێراق لەسەر پێکهێنانی حکومەتێکی بەهێز هاوڕان بوون. هاوکات باڵیۆزی ئیتاڵیا جەختی لە پتەوکردنی پەیوەندییەکانی وڵاتەکەی لەگەڵ هەرێمی کوردستان کردەوە

 

وێنە گەورەکە: ڕۆژی دووشەممە 2-12-2024، سەرۆکوەزیران مەسرور بارزانی، پێشوازی لە نیکۆلۆ فۆنتانا، باڵیۆزی نوێی ئیتالیا لە عێراق کرد، هاوکات باس لە گرنگیی پێکهێنانی حکومەت کرا.

 

ڕاگەیێنراوی فەرمی: ماڵپەڕی فەرمی ئەنجوومەنی وەزیران ڕایگەیاند: سەرۆکوەزیران مەسرور بارزانی پیرۆزبایی لە باڵیۆزی نوێی ئیتاڵیا لە عێراق کرد، بەبۆنەی دەستبەکاربوونی و پشتیوانیی حکومەتی هەرێمی کوردستانی لەپێناو سەرخستنی ئەرکەکەی دەربڕی، هاوکات باڵیۆزی ئیتاڵیا خواستی وڵاتەکەی بۆ پتەوکردنی پەیوەندییەکان لەگەڵ هەرێمی کوردستان لە بوارە جۆراجۆرەکاندا دووپات کردەوە.

 

ئەوەی پێویستە بیزانیت: لە بەشێکی دیکەی گفتوگۆکاندا، هەردوولا هاوڕابوون لەسەر گرنگی پێکهێنانی کابینەیەکی نوێی یەکگرتوو و بەهێز لە زووترین کاتدا، لە پێناو خزمەتکردنی هاووڵاتییانی هەرێمی کوردستان بە بێ جیاوازی و ڕووبەڕووبوونەوەی ئاڵنگارییەکان.