سوپای عێراق لە تۆپزاوە دەست بەسەر زیاتر لە 300 دۆنم زەوی جووتیاران دەگرێت

ئاڤا نیوز

 

سوپای عێراق لە تۆپزاوە دەست بەسەر زیاتر لە 300 دۆنم زەوی جووتیارانی ئەو ناوچەیە دەگرێت و بە نیازە پرۆژەیەکی یەکەی نیشتەجێبوونی لەسەر دروست بکات. 

 

مەترسییە پێشبینی کراوەکان: دەستبەسەردا گرتنی ئەو زەوییانە خاوەن زەوییەکانی تووشی زەرەر و زیان کردووەتەوە. ئێستا تاکە هیوای جووتیاران هەڵوەشاندنەوەی بڕیاڕەکانی رژێمی بەعسە لە پەرلەمان ، ئەگەر چی 7 جار لە کارنامەی دانیشتنی پەرلەمان هەبووە بەڵام هەر جارە و بە بیانویەک دوادەخرێت.

 

لێدوانی فەرمی:  ڕێبوار تەها، پارێزگاری کەرکوک دەڵێت، پارێزگای کەرکوک ملیۆنێک 600 هەزار دۆنم زەویە ، لەو ڕێژەیە زیاتر لە 250هەزاریان کێشەی لەسەرە.

 

زانیاریی زیاتر: لە کۆی 15 هەزار دۆنم زەوی تۆپزاوا وەزارەتی بەرگری دەیەوێت 4500 دۆنم زەوی وەربگرێت، لە کاتێکدا جوتیارانی کورد و تورکمان خاوەنی بەڵگەی فەرمی زەویەکانن.