لە هەولێر نرخی بەنزینی نۆرماڵ هەرزان دەبێت

ئاڤا نیوز 

دوای بەرزبوونەوەی نرخی بەنزین لە ماوەی ڕابردوودا، ئێستا نرخی یەک لیتر بەنزینی  نۆرماڵ نزیکەی 70 دینار دابەزیوە.

 

چیرۆکی سەرەکی: دوای نزیکەی پێنج مانگ لە بەرزبوونەوەی نرخی بەنزینی نۆرماڵ بۆ 900 دینار، جارێکی دیکە نرخەکەی دابەزی بۆ 830 دینار. 

 

لێدوانی فەرمی: جەنگی مەجید، نوێنەری بەنزینخانە ئەهلیەکانی هەولێر، بە ئاڤا نیوزی ڕاگەیاند: نرخی بەنزینی 750 دیناری حکومی وەکو خۆیەتی گۆڕانکاریی بەسەردا نەهاتووە، بەڵام بەنزینی بازرگانی نۆڕماڵ نزیکەی 70 دینار هەرزان بووە، هۆکاری دابەزینی نرخەکەشی کەمبوونەوە خواستە.

 

جەنگی مەجید، دەڵێت: ئێستا لە بەنزینخانەکان هەر لیترێک بەنزینی نۆرماڵ بە 860 بۆ 870 دینارە، پێشتر نرخەکەی بەرزببووەوە بۆ 925 دینار.

 

ئەوەی پێویستە بیزانیت: لە هەرێمی کوردستان بەنزینی نۆرماڵ زۆرترین خواستی لەسەرە، جگە لەمەش بەنزینی موحەسەن و سووپەریش هەیە کە نرخی لیترێکی لە نێوان 950 بۆ هەزار و 500 دینارە.