سەرۆکوەزیران بارزانی و سەرۆکوەزیرانی بەلجیکا تاوتوێی مافە دەستوورییەکانی هەرێمی کوردستان دەکەن

ئاڤا نیوز

 

سەرۆکوەزیران مەسرور بارزانی لەگەڵ سەرۆکوەزیرانی بەلجیکا کۆبووەوە و پاراستنی مافە دەستوورییەکانی هەرێمی کوردستان تەوەرێکی گرنگی گفتوگۆکان بوو.

 

چیرۆکی سەرەکی: سەرۆکوەزیران مەسرور بارزانی لە کۆڕبەندی ئابووری جیهان لە داڤۆس لەگەڵ ئەلیکساندەر دیکروو، سەرۆکوەزیرانی بەلجیکا کۆبووەوە.

 

زانیاریی زیاتر: لە دیدارەکەدا سەرۆکوەزیرانی بەلجیکا ئاماژەى بە گرنگی پێگەی هەرێمی کوردستان کرد، ئامادەیی وڵاتەکەی بۆ پێشخستنی زیاتری پەیوەندییەکانی نێوان هەرێمی کوردستان و بەلجیکا دەربڕی، هاوکات هەردوولا هاوڕابوون لەسەر پەرەپێدانی هاریکاری و هاوئاهەنگیی دوولایەنە، بەتایبەتی لە بوارەکانی ئاڵوگۆڕی بازرگانی و ئابووری.

 

ئەوەی پێویستە بیزانیت: گرنگیی پاراستنی مافە دەستوورییەکانی هەرێمی کوردستان، دۆخی گشتیی عێراق و ناوچەکە، گۆڕانکاریی و پەرەسەندنەکانی سووریا، تەوەرێکی دیکەی گفتوگۆکان بوو .