نێچیرڤان بارزانی و ياشار گوله‌ر: پاراستنی ئارامیی ناوچەکە گرنگە

ئاڤا نیوز

 

سەرۆکی هەرێمی کوردستان و وەزیری بەرگریی تورکیا جەخت لەسەر پاراستنی ئارامیی ڕۆژهەڵاتی ناوەڕاست دەکەنەوە و دەڵێن، پاراستنی ئارامیی ناوچەکە گرنگە. 

 

وێنە گەورەکە: لە چوارچێوەی بەشداریکردنی لە كۆڕبه‌ندى ديپلۆماسيى ئەنتاڵیا  پێشنيوه‌ڕۆى ئه‌مرۆ شه‌ممه‌ 02-03-2024 نێچيرڤان بارزانى، سه‌رۆكى هه‌رێمى كوردستان، لەگەڵ ياشار گوله‌ر وه‌زيرى به‌رگريى توركيا کۆبووەوە، دوايين پێشهاته‌ ئه‌منييه‌كانى ڕۆژهه‌ڵاتى ناوه‌ڕاست، مه‌ترسى و هه‌ڕه‌شه‌كانى تيرۆريان تاوتوێ كرد.

 

ڕاگەیێنراوی فەرمی: نێچيرڤان بارزانى و ياشار گوله‌ر هه‌ردوولا هاوڕابوون له‌سه‌ر گرنگيى پاراستنى ئارامى و سه‌قامگيريى ناوچه‌كه‌ و هه‌وڵدان بۆ ڕێگرتن له‌ ته‌شه‌نه‌سه‌ندنى زياترى ئاڵۆزییه‌کان، هه‌روه‌ها داکۆکییان له‌ بره‌ودان به‌ په‌یوه‌ندییه‌کانی تورکیا له‌گه‌ڵ عێراق و هه‌رێمی کوردستان کرده‌وه‌.