چەکدارانی پەکەکە لە سنووری زاخۆ دوو پاسەوانی سنوور دەکوژن

ئاڤا نیوز

بەهۆی شەڕوپێکدادان لە نێوان پاسەوانانی سنوور و چەکدارانی پەکەکە لە گوندی شیلانێ سەر بە شارۆچکەی باتیفا دوو پاسەوانی سنوور کوژران و یەکێکی دیکەش بریندار بووە.

چیرۆکی سەرەکی: ئەمڕۆ هەینی 24-1-2025 لە ئەنجامی هێرشکردنە سەر خاڵێكی پاسەوانانی سنوور لە سنووری ئیدارەی زاخۆ، دوو لە پاسەوانەكانی سنوور کوژران و یەكێكی دیكەش بریندار بووە.

زانیاریی پەیامنێر: بەپێی زنیارییەکانی دەست پەیامنێری ئاڤا کەوتووە لەو سنوورە، هێرشەكە لەلایەن چەكدارانی پەكەكە ئەنجامدراوە، لە گوندی شیلانێ سەر بە شارۆچكەی باتیفا بووە.

ئەوەی پێویستە بیزانیت: ئەو دوو كەسەی شەهیدبوونە بەناوەکانی، عەلی ڕەمەزان ئیسماعیل کە تەمەنی 40 ساڵە و خەڵكی شارۆچكەی سێمێلە،  هەروەها مێهڤان ناجی میر شەرەف، تەمەن 41 ساڵ و خەڵكی شاری دهۆكە.

زانیاریی زیاتر: ئەو كەسەی کە بریندار بووە، ناوی بێوار جەمیل ئیبراهیمە و تەمەن 39 ساڵە، ئێستا ڕەوانەی نەخۆشخانە كراوە و باری تەندروستیشی جێگیرە.