د. ڤیان سەبری: سوودانی گوتی عێراق پێویستی بە دەستپێکردنەوەی هەناردەی نەوتی کوردستان هەیە

ئاڤا نیوز

لە کۆبووەنەوەکەی دوێنێ شەو لە نێوان سەرۆکوەزیران و سەرۆک و جێگرانی سەرۆکی پەرلەمان و سەرۆکی سەرجەم فراکسیۆنەکانی پەرلەمانی عێراق، سوودانی دەستپێکردنەوەی هەناردەی نەوتی هەرێمی کوردستانی بە پێویست زانیووە.

چیرۆكی سەرەكی: دوێنێ چوارشەممە، لە ماڵی محەممەد شیاع سوودانی، سەرۆكوەزیرانی عێراق، لە شاری بەغدا سەبارەت بە هەموارکردنەوەی یاسای بودجە و پرسی مووچەی خەڵکی کوردستان كۆبوونەوە لە نێوان سوودانی و سەرۆک و جێگرانی سەرۆکی پەرلەمانی عێراق و سەرۆکی سەرجەم فراکسیۆنەکانی پەرلەمانی عێراق كرا.

لێدوانی فەرمی: د. ڤیان سەبری، سەرۆکی فراکسیۆنی پارتی لە پەرلەمانی عێراق لە گەشتی هەواڵەکانی سەعات 12:00ـی ئاڤا گوتی، "سوودانی جەختی لەوە کردەوە کە عێراق پێویستی بە دەستپێکردنەوەی هەناردەی نەوتی هەرێمی کوردستان لە ڕێگەی بەندەری جەیهان هەیە بەمەبەستی کەمکردنەوەی زیانەکانی ڕاگرتنی لەسەر بودجەی گشتیی عێراق."