وەزارەتی ئەوقاف کۆمەڵێک ڕێنمایی بۆ مانگی ڕەمەزان دەردەکات

ئاڤا نیوز

 

سبەی یەکەم ڕۆژی مانگی شەعبانە و وتەبێژی وەزارەتی ئەوقاف و کاروباری ئایینیش دەڵێت، تاوەکو ئێستا یەکەم ڕۆژی مانگی ڕەمەزان دیاری نەکراوە، ڕۆژی 29ـی شەعبان لیژنەی بینینی مانگ بۆ دیاریکردنی کاتەکەی دادەنیشێت.

 

لێدوانی فەرمی: نەبەز ئیسماعیل، وتەبێژی وەزارەتی ئەوقاف و کاروباری ئایینی هەرێمی کوردستان بە ئاڤا میدیای ڕاگەیاند، بۆ مانگی ڕەمەزان کۆمەڵێک ڕێنمایی و ڕێکاری ئیداریی و شەرعی دەردەکەن و چەندین کار و چالاکی تایبەتیشیان دەبێت، لەوانەش:

 

-لەلایەن ئەوقافەوە 30 ئەڵقەی بەرنامەی ڕەمەزان بۆ وتاربێژان تۆمار دەکرێت و هەر ڕۆژە و وتاری وتاربێژێک بڵاودەکرێتەوە.

- لە ڕۆژی 15ـی شەعبانەوە، ڕێنمایی ئیداریی و شەرعی لەبارەی زەکات، سەرفترە و ڕێنمایی بۆ گوتاری دوای نوێژی عەسر دەردەچێت، لە ڕێنماییە ئیدارییەکانیش داخستنی خواردنگە و قەدەغەکردنی شوێنی فرۆشتنی خواردنەوە کهولییەکان دەبێت هاوشێوەی ساڵانی ڕابردوو.

-لە مانگی ڕەمەزاندا بە درێژایی 20 شەو چالاکی جیاواز لە مزگەوتەکان ڕێکدەخرێت بۆ بەرز ڕاگرتنی شەوانی قەدریش چالاکی دیکەیان دەبێت.