لە هەرێمی کوردستان گۆڕینی لۆگۆی براندێکی ئۆتۆمبێل هەرای ناوەتەوە

 

ئاڤا نیوز

چەند رۆژێکە گۆڕینی ناو و لۆگۆی براندێکی ئۆتۆمبێل هەرای ناوەتەوە، سەیارەکە دەرەوەی لۆگۆیەکی هەیە و ناوێکە، لە ناوەوەش سەیارەیەکی ترە و ناوێکی ترە.

چیرۆکی سەرەکی: بازرگانانی ئۆتۆمبێل،  لە چین ئەو ئۆتۆمبێلانەیان کڕیوە و لۆگۆی ئێم جییان لێداوە، چونکە ویستوویانە زوو ساغی بکەنەوە و بیانفرۆشن، لەبەرئەوەی ئێم جییەکە  بازاڕی خۆشە وەکو خۆیان دەڵێن. بەڵام ئێستا تووشی کێشە بوون، رەقەمیان بۆ ناکرێت، لە پشکنین دەرناچن، چونکە ناو و لۆگۆی وەکو یەک نییە.

زانیاریی پەیامنێر: عوبەید هەرکی پەیامنێری ئاڤا لە پێشانگاکانی ئۆتۆمبێل، بازرگانێک دەدوێنێت و پێی دەڵێت ئەم ئۆتۆمبێلە بۆچی بەمشێوەیەیە، ئەویش دەڵێ ئەوە لە دەرەوە دەکرێت. چووین لە وەکیلی سەرەکی ئێم جیمان پرسی، دەڵێن ئێمە ئاگامان لەو ئۆتۆمبێلانە نییە کە هێنراون.

 

لێدوانە فەرمییەکان:

- هاتووچۆی هەولێر دەڵێت ئێمە ئێستا خەریکی بەدواداچوون و پشکنینین، ڕەقەمیان بۆ ناکەین، بۆ ئەوەی بزانین کە چۆن دەستکاری ناوەکەی کراوە و بزانین ئەوەی کە هاتووە چ جۆرە ئۆتۆمبێلێکە، لە پارێزگای سلێمانیش لە ئێستادا ڕەقەمکردنیان ڕاگیراوە و دیار نییە چارەنووسیان چی لێ دێت.

- هێمن میرانی سەرۆکی دیوانی وەزارەتی ناوخۆ بە ئاڤا میدیای وت، دەبێت هاووڵاتیان هۆشیاربن لەو ئۆتۆمبیلانەی کە دەیانکڕن و بزانن لە کێی دەکڕن و چۆن دەیکڕن.