ئەنجوومەنی پارێزگای بەغدا سەرۆکێکی نوێی هەڵبژارد

ئاڤا نیوز

 

دوای دوورخستنەوەی سەرۆکی پێشوو، ئەنجوومەنی پارێزگای بەغدا سەرۆکێکی نوێی بۆ ئەنجوومەنەکە بە زۆرینەی دەنگ هەڵبژارد.

 

وێنە گەورەکە: بەتۆمەتی خراپ بەکارهێنانی پۆستەکەی، بەزۆرینەی دەنگی ئەندامانی ئەنجوومەنی پارێزگای بەغدا، عەممار قەیسی لە پۆستی سەرۆکایەتیی ئەنجوومەنەکە دوورخرایەوە و ئەمڕۆ شەممە سەرۆکێکی نوێ بۆ ئەنجوومەنەکە دیاری کرا.

 

بڵاوکراوەی فەرمی: بەگوێرەی هەواڵی میدیا عێراقییەکان، لە کۆبوونەوەی ئەمڕۆی ئەنجوومەنی پارێزگای بەغدا، عەممار حەمدانی، وەک سەرۆکی نوێی ئەنجوومەنی پارێزگای بەغدا هەڵبژێردرا.

 

ئەوەی پێویستە بیزانیت: ڕۆژی پێنجشەممە 6-2-2025، ئەنجوومەنی پارێزگای بەغدا دوای گفتوگۆ و ڕاوێژ لەگەڵ ئەندامانی لە دانیشتنێکی نائاسایدا لەسەر خراپ بەکارهێنانی دەسەڵات متمانەی لە عەممار قەیسی سەرۆکی ئەنجوومەنەکە سەنداوە.