هەسەدە كوژران و برینداربوونی ژمارەیەک سەربازی توركیای ڕاگەیاند

ئاڤا نیوز

 

هێزەكانی سووریای دیموكرات 'هەسەدە' ڕایدەگەیێنێ، لەماوەی 24 كاتژمێری ڕابردوودا، ژمارەیەك سەربازیی توركیایان كوشتووە، هاوكات ئۆتۆمبێلێكی گرووپە چەكدارەكانی نزیک لە توركیایان تێكشكاندووە.

 

چیرۆكی سەرەكی: شەڕ و پێكدادان لە نزیك پردی قەرە قۆزاق لە دەوروبەری بەنداوی تشرین و باشووری شاری كۆبانێ، لەنێوان هێزەكانی هەسەدە و گرووپە چەكدارەكانی نزیك لە توركیا بەردەوامە، سوپای توركیا لەڕێگەی فڕۆكە جەنگییەكان و تۆپخانەكانیەوە پشتیوانی لە گرووپە چەكدارەكان دەكات و بەچڕیش دەوروبەری بەنداوی تشرین بۆردوومان دەكات، كە جگە لە زیانی گیانی، زیانی زۆری ماددی بە ماڵ و موڵكی هاووڵاتیان گەیاندووە.

 

ڕاگەیێنراوی فەرمی: هێزەکانی سوریای دیموکرات 'هەسەدە' لە ڕاگەیێنراوێكدا ئەوەی خستووەتەڕوو، هێزەکانیان لە میحوەری پردی قەرەقۆزاق ژمارەیەک چەکداریان کوشتووە و پێنج سەربازی تورکیاشیان بریندارکردووە.

 

زانیاریی زیاتر: هاوکات بەگوێرەی ڕاگەیێنراوەکەی هەسەدە  ئۆتۆمبێلێکی گرووپە چەکدارەکانی تورکیا  تێکشکێنراوە.