قوباد تاڵەبانی: ئۆجەلان قۆناغێکی نوێی تێکۆشانی سیاسی بۆ کورد ڕاگەیاند

ئاڤا نیوز

دوای بڵاوکردنەوەی پەیامەکەی ڕێبەری پەکەکە لەلایەن شاندی ئیمرالییەوە، قوباد تاڵەبانی ڕایگەیاند، عەبدوڵڵا ئۆجەلان جارێکی دیکە دەرگای بەڕووی ئاشتی و چارەسەری ئاشتییانە و دیموکراسییەکانی پرسی کورد لە تورکیادا کردەوە. 

وێنە گەورەکە: ئەمڕۆ دوای بڵاوکردنەوەی پەیامەکەی ئۆجەلان لەلایەن شاندی ئیمرالییەوە، هەرزوو کاردانەوەی لایەنە سیاسییەکانی لە هەرێمی کوردستان بەدوایخۆیدا هێنا و پشتیووانی خۆیان بۆ پەیامە ڕاگەیاند. 

ڕاگەیێنراوی فەرمی: قوباد تاڵەبانی، جێگری سەرۆکوەزیرانی هەرێمی کوردستان ڕاگەیاند، کورد هەمیشە گەلێکی ئاشتیخواز بووە و بزووتنەوە کوردییەکان وەک دوا ڕێگەچارە و بە ناچاری، بۆ پاراستنی مان و داکۆکی لە مافە بنەڕەتییەکان پەنایان بردووەتەبەر بە چەک.

-    پەیامەکەی ئۆجەلان جارێکی دیکە دەرگای بەڕووی ئاشتی و پرسی کورد لە تورکیا کردەوە.

-    هیوادارین و گەشبینین ئەمجارەیان پرۆسەکە بە ئەنجامێکی دڵخواز بۆ هەردوو گەلی کورد و تورک کۆتایی بێت.

-    ئۆجەلان دەستپێکی قۆناغێکی نوێی تێکۆشانی سیاسی بۆ کورد لە تورکیا راگەیاند.