شارەوانیی سلێمانی هاووڵاتییان لە فێڵی کەسانێک ئاگادار دەکاتەوە

ئاڤا نیوز

 

سەرۆکایەتیی شارەوانیی سلێمانی، هاووڵاتییان لە فێڵی باندێک ئاگادار دەکاتەوە کە بە ناوی بەشی زێدەڕۆیی شارەوانییەوە، داوای پارەیان لە خەڵک کردووە.

 

چیرۆکی سەرەکی: ژمارەیەک هاووڵاتی ڕوو لە سەرۆکایەتیی شارەوانیی سلێمانی دەکەن تا لە ڕاستی و دروستی کێشەیەک بکۆڵنەوە بەوەی کە ژمارەیەک کەسی نەناسراو بەناوی کارمەندی فەرمی حکومی، چوونەتە سەر هاووڵاتییان و وەک چاودێری زێدەڕۆیی بەسەر موڵکی گشتیی خۆیان ناساندووە.

 

ڕاگەیێنراوی فەرمی: سەرۆکایەتیی شارەوانیی سلێمانی ڕایدەگەیەنێت، دوای کۆبوونەوە لەگەڵ بەشەکانی زێدەڕۆیی و کاروباری یاسایی و بەشە پەیوەندیدارەکانی دیکەی سەر بە سەرۆکایەتیی شارەوانی، و دوای بەدواداچوونی وردی بابەتەکە، دەرکەوتووە ئەو کەسانەی بەناوی بەشی زێدەڕۆیی پارەیان لە خەڵک داواکردووە، بەهیچ شێوەیەک پەیوەندییان بە شارەوانیی سلێمانییەوە نییە.

 

ئەوەی پێویستە بیزانیت: شارەوانیی سلێمانی داوا لە هاووڵاتیان دەکات لەکاتی ڕوودانی حاڵەتی هاوشێوە، دەستبەجێ بەشی یاسایی سەرۆکایەتیی شارەوانیی سلێمانی یاخود نزیکترین بنکەی پۆلیسی ئەو شوێنەی لێ ئاگادار بکەنەوە، بەمەبەستی گرتنەبەری ڕێکاری یاسایی لەگەڵ کەسانی ساختەکار و فێڵباز.