بەشێكی شەقامی 120 مەتریی هەولێر دادەخرێت

ئاڤا نیوز

 

بەڕێوەبەرایەتیی هاتووچۆی هەولێر، شۆفێران لە داخستنی بەشێكی شەقامی 120 مەتریی هەولێر ئاگادار دەكاتەوە.

 

بۆچی گرنگە: بۆ ئەوەی قەرەباڵغی دروست نەبێت، بەڕێوەبەرایەتیی هاتووچۆی هەولێر پێش داخستنی هەر شەقامێك شۆفێران ئاگادار دەكاتەوە و شەقامی جێگرەوەشیان بۆ دیاری دەكات.

 

ڕاگەیێنراوی فەرمی: بەڕێوەبەرایەتیی هاتووچۆی هەولێر ڕایگەیاند: بە هۆکاری دووبارە قیرتاوکردن و نۆژەنکردنەوەی، سبەی چوارشەممە، دوو ڕێڕەوی شەقامی 120 مەتری لە پردی ڕەشکین تاوەكوو نزیک فڕۆکەخانەی نێودەوڵەتیی هەولێر دادەخرێت.

زانیاریی زیاتر: تەنیا یەك ڕێرەو تا ئەوکاتەی کاری قیرتاوکردنەکە تەواو دەبێت، هاتووچۆی تێدا دەکرێت، پاشان شەقامەکە ئاسایی دەبێتەوە.

 

ئەمەش بزانە: بەڕێوەبەرایەتیی هاتووچۆی هەولێر داوا لە شۆفێران دەكات شەقامەكە بەكارنەهێنن و شەقامی جێگرەوە بەكاربهێنن چونكە بە هۆكاری داخستنی دوو ڕێڕەوەكە ئەگەر دروستبوونی جەنجاڵی هەیە.