ئیتاڵیا پشتیوانی چاكسازییەكانی حكومەتی هەرێمی كوردستان دەکات

 

ئاڤا نیوز

هەرێمی كوردستان و ئیتاڵیا جەخت لە پتەوكردنی پەیوەندیی دوولایەنە لە بواری وەبەرهێنان و ئاڵوگۆڕی بازرگانی دەكەنەوە بەتایبەت لە پشتیوانیكردنی چاكسازییەكانی حكومەتی هەرێمی كوردستان.

 

چیرۆکی سەرەکی: ئەمڕۆ پێنجشەممە 2025-03-20، مەسرور بارزانی، سەرۆکوەزیرانی هەرێمی کوردستان، پێشوازی لە نیکۆلۆ فۆنتانا، باڵیۆزی ئیتاڵیا لە عێراق کرد، لە دیدارێكدا بە ئامادەبوونی تۆمماسۆ سانسۆنی، کونسوڵی گشتيی ئیتاڵیا لە هەرێمی کوردستان، دوایین پەرەسەندن و گۆڕانکارییەکانی دۆخی گشتیی عێراق و ناوچەکە، تاوتوێ كران.

ڕاگەیێنراوی فەرمی: بەگوێرەی ڕاگەیێنراوی سەرۆكایەتیی ئەنجوومەنی وەزیرانی هەرێمی كوردستان، سەرۆكوەزیران بارزانی و باڵیۆزی ئیتاڵیا لە عێراق، پەرەپێدانی پەیوەندییەکانی هەرێمی کوردستان و ئیتالیا تاوتوێ كردووە.

بابەتە ستراتیژییەكە: پتەوکردنی پەیوەندیی دوولایەنە لە بوارە جۆراوجۆرەکاندا، بەتایبەتی پشتیوانیکردنی چاکسازییەکانی حکومەت و وەبەرهێنان و ئاڵوگۆڕی بازرگانیدا تەوەری سەرەكیی كۆبوونەوەكە بووە.