سەچاوەیەک: ئەمریکا ناتوانێت ئاشتی بۆ ڕووسیا و ئۆکراینا دەستەبەر بکات

ئاڤا نیوز

بەرپرسانی باڵای ئیدارەی ترەمپ لە چەند ڕۆژی ڕابردوودا باسیان لە ئەگەرێک کردووە کە ئەمریکا لە چەند مانگی داهاتوودا لەوانەیە نەتوانێت ڕێککەوتنی ئاشتی بۆ ڕووسیا و ئۆکراینا دەستەبەر بکات.

وێنە گەورەکە: لەگەڵ گەڕانەوەی دۆناڵد ترەمپ بۆ کۆشکی سپی، هەوڵەکانی بۆ دەستەبەرکردنی ئاشتی نێوان ڕووسیا و ئۆکراینا خستەگەڕ، دواجار ئاگربەستێکی 30 ڕۆژە لەلایەن ئەمریکا پێشنیازکراوە، بەڵام تاوەکو ئێستا بەفەرمی کاری پێناکرێت.

زانیاریی بەدەستهاتوو: بەرپرسانی باڵای ئیدارەی دۆناڵد ترەمپ، سەرۆکی ئەمریکا ئاشکرایان کردووە، واشنتن لە چەند مانگی داهاتوودا لەوانەیە نەتوانێت ڕێککەوتنی ئاشتی بۆ کێیڤ و مۆسکۆ دەستەبەر بکات و  پلانی نوێ دادەڕێژێت بۆ فشارخستنە سەر هەردوولا.

ئەوەی لەبارەیەوە دەگوترێت: بەگوێرەی سەرچاوەکان، ئاگربەستێکی تەواو لەوانەیە درێژە بکێشێت، لە مانگی نیسان یان ئایار دوورتربێت.

ئەوەی پێویستە بیزانیت: بەنێوەندگیری ئەمریکا، دانوستانەکانی ئاشتی نێوان ڕووسیا و ئۆکراینا لە سعودییە بەڕێوەچوو، ئۆکراینا بە پێشنیازی ئەمریکا بۆ ئاگربەستی 30 ڕۆژە ڕازیبوو، بەڵام کرێملین ئەو پێشنیازەی ڕەتکردەوە بە مەرج ڕازیبووە، هەرسێ لایەن لە میانی دانوستانەکاندا لە ڕیاز لەسەر ئاگربەستی بەشەکی ڕێککەوتن.