ڕۆبیۆ و نەتانیاهۆ بە تەلەفۆن سەپاندنی پێناسی گومرگی بەسەر ئیسرائیل تاوتوێ دەکەن

ئاڤا نیوز

 

مارکۆ ڕۆبیۆ، وەزیری دەرەوەی ئەمریکا لەگەڵ بنیامین نەتانیاهۆ، سەرۆکوەزیرانی ئیسرائیل پەیوەندییەکی تەلەفۆنی ئەنجامدا  و دوو پرسی گرنگیان تاوتوێی کرد، یەکێکیان سەپاندنی باجی گومرگییە لەلایەن ترەمپەوە بۆ سەر وڵاتان.

 

زانیاریی بەدەستهاتوو: لە پەیوەندییە تەلەفۆنییەکەدا مارکۆ ڕۆبیۆ، وەزیری دەرەوەی ئەمریکا لەگەڵ بنیامین نەتانیاهۆ، سەرۆکوەزیرانی ئیسرائیل پرسی غەززە و پێشهاتەکانی تاوتوێیکرد، ئەمەش لەژێر ڕۆشنایی دەستپێکردنەوەی هێرشەکانی ئیسرائیلە بۆ سەر کەرتی غەززە،  لەلایەکی دیکەوە، پرسی باجە گومرگییەکانی ئەمریکا کە لەلایەن ترەمپەوە بەسەر وڵاتان سەپێنرا، گفتۆگۆکران، ئیسرائیلیش یەکێکە لەو وڵاتانەی کە ئەم باجەی بەسەردا سەپێنراوە.

 

ئەوەی پێویستە بیزانیت: دۆناڵد ترەمپ لە 2-4-2025  واژۆی لەسەر پێناسە گومرگییەکانی وڵاتانی جیهان کرد و لە سەروو هەمووشیانەوە، باجی 25%ی بەسەر  هاوردەی ئۆتۆمبێلی وڵاتانی بیانیدا سەپاند.

 

زانیاریی زیاتر: ئەوەی پەیوەستە بە ئیسرائیلەوە، بەگوێرەی بڕیارەکەی ترەمپ، %17 باجی بەسەر بەرهەمەکانیدا سەپێنرا.