مەرجەکانی ئازادکردنی بارمتەیەکی ئیسرائیلی لە عێراق ئاشکرا دەکرێن

ئاڤا نیوز

ڕفێنەرانی ئەلیزابێس تسورکۆڤ، ئەو لێکۆڵەرە ئیسرائیلی بە ڕەچەڵەک ڕووسییەی کە لە عێراق بە بارمتە گیراوە، لەبەرامبەر ئازادكردنی چەند مەرجێکیان خستووەتەڕوو.
  
چیرۆکی سەرەکی: لە سەرەتای مانگی تەمموزی ساڵی 2023دا ئیسرائیل ڕفاندنی ئەلیزابێس تسورکۆڤ، توێژەری زانکۆی پرینستۆنی ئەمریکی و هەڵگری وڵاتینامەی ئیسرائیلی و ڕووسیی لەلایەن گرووپێکی چەکدارەوە لە بەغدای پایتەختی عێراق ڕاگەیاند.

 

ڕاگەیێنراوی فەرمی: بەشێک لە میدیاکانی عێراق لە زاری سەرچاوەیەکی تایبەتەوە بڵاویان كردووەتەوە:  ڕفێنەرانی ئەلیزابێس تسورکۆڤ، كچە بارمتە ئیسرائیلییەكە، داوای ئازادكردنی دەستگیركراوێكی ئێرانی و شەش كەسی دیکەیان كردووە، تاوەکو ئەوانیش ئەو لێکۆڵەرە ئازاد بکەن. 

لەلایەکی دیکەوە: ئەو سەرچاوەیە ئاماژەی بۆ ئەوەش کردووە، ئازادکردنی ئەو کەسانەی داواکراون هەفتەیەک بۆ 10 ڕۆژ زیاتر تێناپەڕێت.