ترەمپ: لە ڕێککەوتن لەگەڵ ئێران و ئاگربەستی غەززە نزیکین

ئاڤا نیوز

ئەمریکا دەیەوێت لە زووترین کاتدا ئاگربەست لە غەززە ڕابگەیەنێت، ترەمپیش دەڵێت، ئەمڕۆ یان سبەی ئاگربەستەکە ڕادەگەیەنێت.

وێنە گەورەکە: ئیسرائیل بە پێشنیازی نوێی ئەمریکا بۆ ئاگربەست ڕازی بووە، بەڵام حەماس بە پێشنیازەکە ڕازی نییە و دەڵێت، بڕگەی کۆتاییهێنان بە جەنگی تێدا نییە.

لێدوانی فەرمی: دۆناڵد ترەمپ، سەرۆکی ئەمریکا سەبارەت بە ئاگربەستی غەززە ڕایگەیاند، ئیسرائیل و غەززە نزیکن لەوەی ڕێکبکەون و ئەمڕۆ یان سبەی هەواڵی نوێتان لەسەر دانوستانەکانی غەززە پێ ڕادەگەیەنم.

زانیاریی زیاتر: لەبارەی ئێران، ترەمپ وتی، زۆر باش دەبێت ئەگەر بێ ئەوەی پێویست بە بۆمباران بکات لەگەڵ ئێران بگەنە رێککەوتن و ڕێگەنادەین ئێران چەکی ئەتۆمی هەبێت.

هاوکات سەبارەت بە ڕووسیا و ئۆکراینا وتی، پووتین و زێلینسکی دوو کەسی کەللـە ڕەقن، نامانەوێت هەفتانە بەهۆی جەنگەوە مردنی هەزاران کەس ببینم.