لە هەڵەبجە سەرووی 100 کەس بەهۆی خواردنی جەژن ڕەوانەی نەخۆشخانە كراون

ئاڤا نیوز

لە ڕۆژی یەكەمی جەژنی قورباندا، زیاتر لە 100 كەس بەهۆی خواردنی جەژنەوە، ڕەوانەی نەخۆشخانەی هەڵەبجە كراون.

لێدوانی فەرمی: فەرحان حەمەخان، لێپرسراوی بەشی ڕاگەیاندنی بەڕێوەبەرایەتی گشتیی تەندروستیی هەڵەبجە، بۆ ئاڤا ئاشكرای كرد، تا ئێوارەی ئەمڕۆ هەینی، 90 نەخۆش سەردانی نەخۆشخانەی فریاكەوتنی هەڵەبجەیان كردووە، چوار نەخۆشیش بەهۆی سەختی دۆخی تەندروستییان، ڕەوانەی سلێمانی كراون.

زانیاریی زیاتر: ئاڤا زانیویەتی لە دوای كاتژمێر 6ـی ئێوارەوە تا كاتژمێر 9ـی شەو، ئاماری وەرگرتنی نەخۆش لە فریاكەوتنی هەڵەبجە، گەیشتووەتە سەرووی 100 كەس.

ئەمەش بزانە: بەشێك لەو نەخۆشانەی گەیێنراونەتە نەخۆشخانە، بەهۆی زۆرخواردنەوە دووچاری ئازاری گەدە بوونەتەوە و بەشێكیان گەدەیان ژەهراوی بووە.