پرۆسەی وەرگرتنی گەنم لە سنووری سلێمانی دەست پێدەکات

ئاڤا نیوز

سایلۆی سلێمانی جووتیارانی سنوورەکە ئاگادار دەکاتەوە، پرۆسەی وەرگرتنی گەنم دەست پێدەکات و لە سبەینێوە دەتوانن گەنمەکانیان ببەنە سایلۆکان.

 

وێنە گەورەکە: لە کۆی ئەو 400 هەزار تۆنەی بۆ پارێزگاکانی هەرێمی کوردستان دانراوە، بۆ پارێزگای سلێمانی 145 هەزار و 567 تۆن و  هەڵەبجە 13 هەزار و 923 تۆن لەشەش سایلۆ وەردەگیرێت.

 

لێدوانی فەرمی: نەسرین ئەحمەد، بەڕێوەبەری سایلۆکانی سلێمانی بە ئاڤای ڕاگەیاند، "سبەی لە سایلۆکانی پیرەمەگروون و عەربەت، پرۆسیە وەرگرتنی گەنم بۆ ساڵی 2025 دەستپێدەکات، هەر سبەیش بڕیار دەدەین چ ڕۆژێک سایلۆکانی دیکە بکەینەوە."

 

ئەمەش بزانە: ئەمساڵ لە پارێزگاکانی عێراق گەنمی چوارچێوەی پلانی کشتوکاڵی و دەرەوەی پلانی کشتوکاڵی لە جووتیاران وەردەگیرێت، حکومەت کار لەسەر ئەوە دەکات ئەو بڕیارە جووتیارانی چوار پارێزگاکەی هەرێمی کوردستانیش بگرێتەوە.