چەوریی جگەر، مرۆڤ تووشی چەندین نەخۆشیی دیکە دەکات

ئاڤا نیوز

 

کەڵەکەبوونی چەوریی جگەر لە سەرەتادا بێ زیانە، بەڵام ئەگەر چارەسەر نەکرێت دەبێتە هۆی زنجیرەیەک گرفتی تەندروستیی دیکە.

 

چیرۆکی سەرەکی: چەوریی جگەر بە یەکێک لە نەخۆشییە باوەکانی ئەم سەردەمە دادەنرێت، کە لە ئەنجامی کەڵەکەبوونی بڕیکی زۆری چەوری لە خانەکانی جگەر ڕوو دەدات، جگەر بڕێکی دیاریکراو چەوریی تێدایە، بەڵام ئەگەر ئەو ڕێژەیە لە 5-10%ـی کێشی جگەر زیاتر بوو واتە ئەو کەسە تووشی نەخۆشیی چەوریی جگەر بووە.

 

بڵاوکراوەی فەرمی: بەپێی ڕاپۆرتێک کە لە ڕۆژنامەی (Times of India) بڵاو کراوەتەوە چەوریی جگەر سەرەڕای ئەوەی کە خۆی نەخۆشییە، هاوکات هۆکاریشە بۆ تووشبوون بە چەندین نەخۆشیی دیکە لەوانە:

- نەخۆشییەکانی دڵ و خوێنبەرەکان

ئەوانەی نەخۆشیی چەوریی جگەریان هەیە، مەترسیی مردنیان زیاترە بەهۆی کێشەکانی دڵەوە، نەخۆشیی چەوریی جگەری ناکحولی و نەخۆشیی چەوریی جگەری فرەجۆر دەبنە هۆی تێکدانی کارکردنی ناوپۆشی لەش، بەرزبوونەوەی پەستانی خوێن و نیشتنی چەوری دەرەوەی خانەیی لە بۆڕی و ئەندامەکاندا کە ئەمەش ڕەقبوونی خوێنبەرەکان خێراتر دەکات.

- بەرگریی ئەنسۆلین

چەوریی جگەر و بەرگریی ئەنسۆلین پەیوەندییەکی نزیکیان هەیە، زیادبوونی چەوریی جگەر ڕێکخستنی گلوکۆز تێکدەدات، ئەمەش مەترسیی تووشبوون بە نەخۆشیی شەکرەی جۆری دووەم زیاد دەکات. لە بەرامبەریشدا نەخۆشیی شەکرە هەوکردنی جگەر و چەوریی جگەر تووندتر دەکات، بەڵگەکان ئەوە دەردەخەن کە ئەو کەسانەی نەخۆشیی چەوریی جگەری ناکحولییان هەیە، نزیکەی دوو هێندە مەترسیی تووشبوونیان بە نەخۆشیی شەکرە زیاترە.

- نەخۆشییەکانی گورچیلە

توێژینەوەکان دەریدەخەن ئەو کەسانەی هەردوو نەخۆشیی چەوریی جگەری ناکحولی و شەکرەیان هەیە و تووشی نەخۆشیی درێژخایەنی گورچیلە دەبن، بە ڕێژەیەکی زیاتر تووشی جەڵتەی دڵ و جەڵتەی مێشک دەبن و ڕێژەی مردنیان بەرزترە.

- تێکچوونی هۆڕمۆنەکان

چەوریی جگەر هۆکارە بۆ تووشبوون بە نەخۆشی فرە کیسیی هێلکەدان لە خانمان، کەمبوونەوەی ڕژێنی دەرەقی و تێکچوونەکانی دیکەی کوێرە ڕژێنەکان.

 

کاریگەری و لێکەوتەکان: ئەگەر کەسێک هۆکارە مەترسیدارەکانی وەک قەڵەوی، شەکرەی جۆری دووەم، بەرزە فشاری خوێن، نیشانەکانی فرە کیسیی هێلکەدان و بەرزبوونەوەی بەردەوامیی ئەنزیمەکانی جگەری هەبێت، پێویستە بەخێرایی ڕاوێژ بە پزیشکی پسپۆڕ بکات و چارەسەری پێویست وەربگرێت.