هەواڵی کوژرانی وتەبێژی لیواکانی قەسام - باڵی سەربازیی حەماس پشتڕاست دەکرێتەوە

ئاڤا نیوز

 

ڕۆژی یەکشەممە سەرچاوەیەکی فەلەستینی بە کەناڵی 'ئەلعەرەبیە'ی ڕاگەیاند، وتەبێژی لیواکانی قەسام - باڵی سەربازیی بزووتنەوەی حەماس ناسراو بە "ئەبو عوبێدە" کوژراوە.

 

چیرۆکی سەرەکی: ڕۆژی شەممە 30-8-2025، میدیاکانی ئیسرائیل بڵاویان کردووە، سوپای ئیسرائیل بە فڕۆکە باڵەخانەیەکیان لە گەڕەکی ئەلڕەمال لە شاری غەززە بۆردوومان کردووە و ئەبو عوبەیدە،  یەکێک لە ئەندامە سەرەکییەکانی حەماسی تێدا نیشتەجێ بووە و بانگەشەی ئەوە دەکەن کە کوژرابێت.

 

ئەمەش بزانە: تاوەکو ئێستا بزووتنەوەی حەماس هیچ لێدوانێکی لەبارەی کوژرانی ئەبو عوبەیدە نەداوە و هەواڵەکەی پشتڕاست نەکردووەتەوە، بەڵام سەرچاوەیەک بە کەناڵی ئەلعەرەبیەی ڕاگەیاند، کە بنەماڵەکەیان پشکنینان بۆ تەرمەکە کردووە  و کوژرانەکەی لەلایەن ئەوانەوە پشتراست کراوەتەوە.

 

زانیاریی زیاتر: ئەبو عوبەیدە لە ساڵی 2006ەوە بە دەمامک و جامانەیەکەوە دەردەکەوێت و بەوە ناسراوە کە ڕەوانبێژە لە قسەکردن و کاریگەرە، چەندین جاری دیکە ئیسرائیل هەواڵی کوژرانی ڕاگەیاندووە.