مەکتەبی سیاسیی یەکێتی پێشنیازەکانی دواخستنی هەڵبژاردن تاوتوێ دەکات

ئاڤا نیوز 

 

مەکتەبی سیاسیی یەکێتی نیشتمانی کوردستان کۆدەبێتەوە و گفتوگۆ لەبارەی تەواوکردنی ئامادەکارییەکانی بۆ هەڵبژاردن و پێشنیازی دواخستنی پڕۆسەکە دەکات.

 

لێدوانی فەرمی: تەلار لەتیف، ئەندامی مەکتەبی سیاسیی یەکێتیی نیشتمانی کوردستان بە ئاڤا نیوزی ڕاگەیاند، "ئەمڕۆ مەکتەبی سیاسیی یەکێتی کۆدەبێتەوە و تەواوکردنی ڕێکارەکانی هەڵبژاردن و چەند پرسێکی دیکەی پەیوەست بەو پڕۆسەیە تاوتوێ دەکات."

 

زانیاری بەدەستهاتوو: ئاڤا زانیویەتی لەو کۆبوونەوەی مەکتەبی سیاسیی، بەشدارینەکردنی پارتی لە هەڵبژاردنی خولی شەشەمی پەرلەمانی کوردستان و ئەگەری دواخستنی پڕۆسەکە پرسی سەرەکی دەبن.

 

ئەوەی پێویستە بیزانیت: دوو پێشنیاز بۆ دواخستنی هەڵبژاردنەکانی پەرلەمانی کوردستان هەن، کە یەکێکیان ئەوەیە بۆ چوار مانگ دوا بخرێت و لە مانگی ئۆکتۆبەر بکرێت، دووەمیشیان ساڵی داهاتوو لەگەڵ هەڵبژاردنەکانی ئەنجوومەنی نوێنەرانی عێراق بکرێت.