ئەمشەو ئاو دەگاتەوە سەرجەم گەڕەکەکانی هەولێر

ئاڤا نیوز

بەهۆی بەرزبوونەوەی ئاستی لێڵبوونی زێی گەورە، دوای باران بارینێکی زۆر، لە دوێنێوە تەواوی پڕۆژەکانی سەر زێی گەورە وەستاون، بەڵام دوای چاككردنەوەیان ئەمشەو ئاو دەگاتە سەرجەم گەڕەكەكانی هەولێر.

چیرۆكی سەرەكی: وێستگەکانی پاڵاوتنی ئاوی ئیفراز، کە بەهۆی بەرزبوونەوەی ئاستی لێڵبوونی زێی گەورە، بۆ ماوەیەکی کاتی لە دوێنی کاتژمێر 8:00 بەیانییەوە لە کارکردن وەستابوون، لە ئێستادا گشت وێستگەکانی پاڵاوتنی ئاوی ئیفراز کەوتوونەتەوە کار.

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان، بە ئاڤا نیوزی ڕاگەیاند: "بەرهەمێنانی ئاو دەستی پێکردووەتەوە، ئەمڕۆ لە کاتژمێر 12:00ی نیواڕۆوە هەرسێ پڕۆژەی ئیفراز یەک، دوو و سێ دەستیان بە کار کردووەتەوە.

 

زانیاریی زیاتر: وردە وردە ئاو بۆ گەرەکەکانی شاری هەولێر دەگەرێتەوە، بە هیوای ئەوەین ئەم شەو تاوەكو بەیانی هەموو ئەو گەرەکانەی کە لەسەر پرۆژەکانن ئاویان بۆ بگەرێتەوە".