بەرپەرچدانەوەی هێرشی ئێران لەلایەن ئیسرائیل 1.35 ملیار دۆلاری تێچووە

ئاڤا دیجیتاڵ

بەرپەرچدانەوەی هێرشە مووشەکی و درۆنییەکەی ئێران لەلایەن سیستەمی بەرگریی ئاسمانیی ئیسرائیل تێچوویەکی زۆری بۆ  ئەو وڵاتە هەبووە. 

لێدوانی فەرمی: ژەنەڕاڵ ڕام ئامیناچ، ڕاوێژکاری دارایی پێشووی سەرۆکی ئەرکانی سوپای ئیسرائیل بە میدیای ئیسرائیلی ڕاگەیاندووە، "تێچووی بەرگریی ئەو شەوە لە نێوان 4 بۆ 5 ملیار شێکڵ (1.08 بۆ 1.35 ملیار دۆلار) مەزەندە دەکرێت." 

زانیاریی زیاتر: نرخی یەک مووشەکی جۆری (ئارۆو - Arrow) کە بۆ خستنەخوارەوەی مووشەکە ئێرانییەکان بەکاربراوە 3.5 ملیۆن دۆلارە. نرخی یەک مووشەکی جۆری (ماجیک واند - Magic Wand) کە بۆ خستنەخوارەوەی درۆنەکان بەکاربراوە یەک ملیۆن دۆلارە. 

لە لایەکی دیکەوە: تێچووی هێرشەکەی ئێران بە 62 ملیۆن دۆلار مەزەندە کراوە. 

ئەوەی پێویستە بیزانیت:  ئێران زیاتر لە 300 درۆن و مووشەکی ئاراستەی ئیسرائیل کرد. ئیسرائیل ڕایگەیاند 99٪ـیانی خستوونەتە خوارەوە.