لەمەودوا زانكۆی سلێمانی وێنەی دەرچوونی خوێندكاران بێ بەرامبەر دەگرێت

ئاڤا نیوز

بۆ یەکەمجار زانکۆی سلێمانی، لە ڕێگەی ستافی میدیایی خۆیەوە وێنەی دەرچوونی خوێندکاران بێبەرامبەر دەگرێت.

بڵاوکراوەی فەرمی: زانکۆی سلێمانی ڕایگەیاند: بۆ یەکەمجار و لە هەوڵێکی نوێدا ئەمساڵ جیاواز لە ساڵانی دیکە، بە چاودێریی و لەسەر ڕاسپاردەی سەرۆک و ئەنجوومەنی زانکۆی سلێمانی، بێ بەرامبەر وێنەی دەرچوون بۆ خوێندکاران دەگرێت، پاشان خوێندکاران دەتوانن لەڕێگەی ماڵپەڕی زانکۆوە وێنەکانیان وەربگرنەوە.

لە لایەکی دیکەوە: ئەمساڵ ئەنجومەنی زانکۆی سلێمانی بڕیاریداوە کە لە کاتی بەڕێوەچوونی وێنەی دەرچوون ڕازاندنەوەی مێز بۆ ناو زانکۆ بە هەموو شێوەیەک قەدەغەیە‌.

ژمارەکان وا دەڵێن: ئەمساڵ وێنەی دەرچوون بۆ نزیکەی پێنج هەزار خوێندکاری 20 کۆلێژ و زیاتر لە 80 بەش، لە زانکۆی سلێمانی دەگیرێت.

بۆچی گرنگە: بڕیارەکە بەشێکی زۆر لە خوێندکارانی کەمدەرامەت لێی سوودمەند دەبن و پێویستیان بە وێنەگری تایبەت نابێت لە ڕۆژی دەرچوونیاندا.