پێشمەرگەیەکی هێزی کۆماندۆ بە تەقەی باندێکی قاچاخچی گیانی لەدەستدا

ئاڤا نیوز

پێشمەرگەیەک لە هێزەکانی کۆماندۆ، شەوی ڕابردوو لە ڕووبەڕووبوونەوەیەکدا لە گەرمیان گیانی لەدەستدا و تۆمەتبارێکیش لەلایەن کۆماندۆوە کوژرا.

چیرۆکی سەرەکی: شەوی ڕابردوو، هێزێکی کۆماندۆی پێشمەرگە، بۆسەیان بۆ باندێکی قاچاخچی لە سنووری ناوچەی ساڵح ئاغا لە گەرمیان داناوە، دواتر ڕووبەڕووبوونەوە ڕوویداوە و ئەندامێکی کۆماندۆ بەناوی "ئەیووب محەممەد گیانی لەدەستداوە، سێ تۆمەتبارەکەش یەکێکیان کوژراوە و یەکێکیان بریندار کراوە و یەکێکی دیکەشیان هەڵهاتووە.

ڕاگەیێنراوی فەرمی: هێز کۆماندۆی پێشمەرگە ڕایگەیاند:لە درەنگانی شەو ڕابڕدوو بۆسەیان بۆ باندێکی قاچاخچێتیی چەک و شوێنەوار داناوە، لەکاتی تێپەڕینی ئۆتۆمبێلەکانیان ڕووبەڕووبونەوە لە نێوان هێزەکانی کۆماندۆ و تۆمەتباران ڕوویدا و پێشمەرگەیەک گیانی لەدەست دا.

ئەوەی پێویستە بیزانیت: هێزی کۆماندۆ دەستیان  بەسەر چەند پارچە شوێنەوار و دوو ئۆتۆمبێل و ئەو چەکانەشدا گرتووە کە باندەکە بەنیازبوون ڕەوانەی دەرەوەی هەرێمی کوردستانی بکەن.