شاندی هەرێمی كوردستان و عێراق گەیشتنە چەمچەماڵ

ئاڤا نیوز

شاندی هاوبەشی هەرێمی کوردستان و عێراق، بۆ لێکۆڵینەوە  لە هێرشەکەی دوێنێی سەر کێڵگەی کۆرمۆر گەیشتنە قەزای چەمچەماڵ.

 

چیرۆکی سەرەکی: ئێوارەی ڕۆژی هەینی کاتژمێر 06:40 ‌بە درۆن هێرشکرایە سەر کێڵگەی غازی کۆرمۆر لە چەمچەماڵ، بەهۆیەوە چوار کەس گیانیان لەدەست دا و ژمارەیەکی دیکە بریندار بوون، هەروەها ئاستی بەرهەمهێنانی کارەبا کەمبووەوە.

زانیاریی بەدەستهاتوو: ئەحمەد عەبدوڵڵا، پەیامنێری ئاڤا نیوز ڕایگەیاند: کەمێک پێش ئێستا شاندی وەزارەتی سامانە سرووشتییەکانی هەریمی کوردستان بە سەرۆکایەتی ئەحمەد موفتی بریکاری وەزیر، لەپاڵ شاندێکیی ئەمنی عێراق گەیشتنە قەزای چەمچەماڵ و بڕیارە سەردانی کێڵگەی غازی کۆرمۆر بکەن.

لە لایەکی دیکەوە: وەزارەتی کارەبای حکومەتی هەرێمی کوردستان ڕایگەیاند: بەرهەمهێنانی کارەبا دوای هێرشەکەی کۆرمۆر گەیشتووەتە هەزار و 600 مێگاوات، چاوەڕێی ئاسایی بوونەوەی دۆخەکەن.

 

وێنە گەورەکە: کێڵگەی غازی کۆرمۆر ڕۆژانە چوار هەزار و 200 مێگاوات کارەبا بەرهەم دەهێنێت، بەهۆی هێرشەکەوە  وێستگەکانی بەرهەمهێنانی کارەبا وەستان و وەزارەتەکانی کارەبا و سامانە سرووشتییەکان لە هەوڵی خستنەکاریدان.